नेवा: भाय ल्हायेगु मखुला ?


नेपा: दे दंकं नेपाल भाषा ल्हाइपीं नेवा: त झन्-झन् हायावना च्वोंगु दु । नेपा: गाले जक मखु, नेपाल मण्डले दुने च्वँपीं नेवा: तयसँ नेवा: भाय ल्हायेगु हे त्वतेधुन्कल । स्वनिग:ले दुने न नेवा: तयसँ थ: छ्यें-छ्यें दुने मचा-खाचा तयत खस भाय स्यने त अपो कुत: याइ । गुलिस्याँ छुयायत नेवा: भाय स्यनेगु, लजगा: दईमखु, गनं ज्या: मव धका: न धाइ । उमित: थगु माँ-भाय धैगु लजगा: चुलाके फइमखुलिं ज्या: मव । थ्वहे जुया, यक्कु नेवा: मस्तयसँ थगु माँ भाययात: लोमङ्का छोयधुङ्कल । अङ्रेजी थौं-कन्हे मसयक, मदयक मगागु भाय ख: । थ्वो: भाय स: धायेवं लजगा: दै धका: धायथा मदु । अथेसां भायनितिं झिगु नुगले तधङगु थाय दु । तर थागु माँ-भाय धासा लजगा: चुलाके ज्या: मव धका: झिसं लोमङ्केगु ज्या: याना च्वना ।

माँ-भाय ल्हाय व पिन्त नं ल्हाय मंमदु वा ल्हाय मछा । ल्हासा नं खस, हिन्दी, व अङ्रेजी खं ग्वो: ल्वाक-बाक याना ल्हायत म्हुतु तसक्कं च्वका । नेवा: खं ग्वो: छता छ्योसा मेगु खं ग्वो: झिता छ्येलेधुङ्की । यक्व: खं ग्वो: त खस भायनं त्याना कया ल्हायगु याना झिगु मौलिक भाषा व खं ग्वो: लोमना वनी । नेपाल भाषाया ख्येले ज्या न्ह्याका च्वोंपिं मनुतयसं नं सफू, म्यें, व खंल्हा-बला यायेगु इले नं फतिं फक्व थगु माँ-भायया खं ग्वो: हे छ्येले कुत: यात धा:सा, कने या दिने झी लिपाया पुस्ता यात नं अपुइ । मखु धैगु ख: सा, “भाषा म्वासा जाति म्वाइ, जाति म्वासा राष्ट्र म्वाइ” धका: नेपाल सम्बत हनेगु दिं कन्हु छन्हु जक अन्न नयतैगु बल जक फुक्क ल्होंबायगु त्वता छोसां ज्यु ।

थगु माँ-भाय मवम्ह नेवा: नं गथे याना “जी नेवा:” धका: धायगु ? नागरिकता वा ब्वोनांकोथी नाँ दुतबी इले नेवा: धका: म्हसिका जात माँ-अबु पाखें किना वइ । उकिं नेवा: या छम्ह मचा ला जुइ, तर वइके नेवा: या म्हसिका जात नापंनापं मेगु छु दु ले ? झिगु कला, नख:-चख:, तिसा ज्वलं, नसा ज्वलं, भाय, आख ग्वो:, आजु-अजिमा पिंस झित त्वतावनातगु परम्परा न्ह्यथनेबले झिगु मुक्कं म्हसिका दु । जीम्ही नी साल (निदं) दुम्ह कायमचा छम्ह दु । परदेशे च्वोनां थ मचायात मां-भाय स्यने धैगु यक्कु अपुगु खं मखु । मुक्क अंग्रेजी मस्त जक दुथाया च्वोना वं अंग्रेजी ल्हाय कुतायाई | अथे जुसां, जिम्हिसँ मचायात थ माँ-भाय स्यनाचोनां । भाषा मदेक झिपिं नेवा: जुइफै, तर नेवा: या म्हसिका ब्याक्कं बिफैमखु धैगु जिगु बीचा ख:। थथे हे, थगु भाय ल्हायेगु, व न्हिया न्हिसं ब्यबाले मछ्येलेगु खसा: छन्हु थजगु दिं न वयफु की, थ नेवा: जुयागु म्हसिका बित: वा नेवा: धैगु छु ख धका सिके त नं विदेशी तयसं “नेवा: सु ख: ?” धका च्वोयातगु सफू माला ब्वने माली । थ्व: दिं गुबले नं झी मस्तयसं स्वोय म्वालिमां ।

झिसं थगु भाय स्यङ्क खस भायके त्याना कैगु खं ग्वो: थथे च्वों ।

खस त्यानां खं ग्वो: नेवा:
मात्नु माते जुये थ्वों काय (काल:)
भाषण गर्नु भाषण याये न्वोचु बिय
निम्त्याउनु निम्ता याये ब्वोने
Advertisements

Leave a Comment

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s